CIENCIA NAS AULAS

 Os nenos e nenas de 4 anos estiveron experimentando coa ciencia na aula. Menudos científicos están feitos!

CLUB DE LECTURA 4º (LETRAS GALEGAS)

Achégase o día das Letras Galegas e as nenas e nenos de 4º de primaria decidiron facer un club de lectura temático sobre o autor ao que se lle adica este curso: Francisco Fernández del Riego. Traballaron moito sobre esa figura e teñen moita información nas súas cabeciñas, ata fixeron un concurso de preguntas no mesmo club! Parece que a este escritor lle gustaba facer xoguetes moi creativos con cousas ben pequenas, coma cascas de noces!

CLUB DE LECTURA COMPARTIDA

Quen non desexaría ser invisible algunha vez? Hoxe tivemos un club de lectura moi importante entre familias, profes e alumnado para tratar un tema necesario nos nosos días: o acoso escolar, da man de Eloy Moreno e o seu libro Invisible. Unha historia emotiva, conmovedora, diferente...Contada a través dos ollos dun neno; unha historia que podería ser a de calquera. Descubrimos que hai marcas que non sempre son visibles... Moitas grazas pola acollida! Foi moi enriquecedor coñecer as opinións e puntos de vista de todas as persoas.

CLUB DE LECTURA 3º

Hoxe tivemos a visita dunha inventora moi especial! Volve a Señorita Bubble da man de Ledicia Costas; esta vez para salvar Londres dunha invasión de ratas que roubaron unha peza moi valiosa para a raíña Isabel II. Será quen de recuperala e restaurar a paz no Reino Unido? As nenas e nenos de 3º de primaria teñen moi claro cal sería a solución para acabar co malvado Jack White e a súa tropa de roedores! Ademais, fixeron uns traballos moi chulos relacionados co libro, que lles gustou moitísimo.

 

CLUB DE LECTURA 6º

Hoxe as nenas e nenos de 6º de educación primaria emprenderon unha viaxe no tempo, nada máis e nada menos que ao Vigo do 1884, da man de Jules Verne, descubrindo a vida e os segredos das mulleres planta; unha homenaxe ás novelas de aventuras cargada de maxia, onde todo é posible. Ler á nosa escritora local Ledicia Costas sempre dá moito xogo nos clubs de lectura! Moitas perspectivas, puntos de vista e anotacións documentadas que axudan a saber máis da época viguesa e da súa historia.

Ademais, apareceron dúbidas e preguntas moi interesantes...

SEMANA DO LIBRO

 Así celebramos a Semana do Libro no Otero Pedrayo!!

CLUB DE LECTURA 2º (BANDA DESEÑADA)

Hoxe houbo unha novidade no club de lectura! Algunhas nenas e nenos de 2º escolleron un libro de banda deseñada! Con "Lendas do recreo" 2 - Campións do mundo, achegáronse a unha maneira diferente de ler da man de El Hematocrítico e estaban moi entusiasmad@s ca temática: os xogo das agachadas. Un libro divertido e cheo de situacións graciosas que engancharon desde o primeiro momento. Escolleron cal sería o seu récord do mundo e algúns eran ben simpáticos!