As nenas e nenos de 4º curso de primaria fixeron unha sesión de contacontos á clase de 3 anos, como proxecto final da materia Proxecto Competencial, coa axuda da súa profe María.
Foi unha experiencia moi divertida e bonita, cun dos seus contos favoritos: Corre, corre, cabaciña!
Pasárono xenial!
Hoxe tivemos o primeiro club de lectura adulta co libro "As alumnas" de Paula Carballeira. Tivemos unha moi boa acollida entre profes e contamos coa presenza tamén da escritora An Alfaya.
A memoria, as lembranzas que se van desenvolvendo neste xogo de persoas adultas que é o teatro, fixéronnos descubrir como as decisións que se tomaron, o medo e a rebeldía, marcaron o seu destino. A historia de Elvira e Rosa fixéronnos reflexionar acerca da memoria histórica, do feminismo e da importancia da nosa lingua, ademais de outros temas que se poden ler entre liñas.
Foi ben interesante! Esperamos con moitas ganas o seguinte club de lectura! Graciñas por vir!
Por aquí deixamos algunhas recomendacións de libros e xogos para diferentes idades por se queredes algunha idea para agasallar! Están todos moi chulos, anímate a pedir algún! Boas festas e boas lecturas!
https://view.genial.ly/6574a91ddd7b0400140f9363/interactive-content-recomendacions-lectoras
Hoxe fixemos club de lectura dunha familia moi especial. Julia é unha nena normal, todo o normal que se pode ser sendo unha humana vivindo dentro dunha casa repleta de monstros! Un pai zombi, unha nai vampira, unha avoa ogro, unha irmá non-morta e un irmá lobishome...Non existe unha familia igual!
Julia pensaba que era normal ata que un día...Plaff! Fixo voar unha caca contra a cara da súa archiinimiga cos seus poderes máxicos. Conseguirá descubrir como usar os seus poderes antes de que a cousa saia de control? Non sabemos moi ben xa que a historia continuará...
Todo isto e moito máis falaron a clase de 4º de primaria co libro de Raquel Díaz Reguera, Julia y los Mortimort. Una niña un poco muerta. Un libro co que morrer...de risa!
Hoxe as nenas e nenos de 5º de primaria fixeron o club de lectura dun dos libros máis emblemáticos de Ledicia Costas: Escarlatina, a cociñeira defunta.
Unha viaxe ao mundo dos mortos onde non faltan ingredientes de aventura, misterio e moito humor. Unha historia de humor macabro que estimula o apetito do lector e a curiosidade polo mundo da cociña. Como Román Casas quería ser un auténtico chef, pediulle aos pais un curso de cociña para o seu décimo aniversario, que coincide co Día de Defuntos, a festa dos mortos. Nese día tan especial recibiu un megasusto: un cadaleito acompañado dun sobre onde viñan as instrucións para activar a Escarlatina, unha cociñeira falecida no século XIX que nunca se separa de Lady Horreur, un arrepiante arañón con acento francés. A bordo do mortobús, os tres novos amigos e mais o gato Dodoto viaxarán ao Inframundo, onde os defuntos viven baixo as ordes de Amanito, o tirano que goberna no Alén. Unha historia de humor macabro que estimula o apetito do lector e a curiosidade polo mundo da cociña.
Este luns 27 de novembro fixemos uns obradoiros na biblioteca relacionados co Día contra a Violencia de Xénero (25N).
Contamos contos ben interesantes e fixemos obradoiros de collage con Artur e Clementina, papiroflexia co Libros dos porcos e reflexionamos coas nosas lentes moradas co Bonobos.
.jpg)
Neste cole témolo claro...NIN UNHA MÁIS, NIN UNHA MENOS!
Inauguramos a tempada de Club de lectura con 4º de primaria!!
Escolleron un libro moi gracioso: "La camiseta de Óscar" de César Fernández García. Unha historia na que Claudia, fanática do fútbol o do seu xogador favorito, Óscar, resolve unha pista para que uns delincuentes non leven a cabo o seu malvado plan. Co seu primo Iván, que detesta o fútbol, vivirá emocionantes aventuras e enfrontarse a perigosas situacións e aos seus propios medos internos. Esta experiencia fará que reflexionen sobre o que é realmente importante nos demais e neles mesmos/as.
Falaron sobre a historia, as partes do libro e as súas propias experiencias arredor do libro e as súas anécdotas curiosas.
