Os pasados xoves e venres celebramos na biblioteca o Día da nena e a muller na ciencia, facendo uns experimentos moi chulos e falando sobre algunhas propiedades dos materiais. Aprendemos que a ciencia necesita moita paciencia e que moitas veces as cousas non saen como esperamos, por iso é importante o ensaio-erro para acadar resultados.
O luns 10 de febreiro fixemos o terceiro club de lectura da saga Heartstopper, neste caso falamos sobre o libro número 3, "Un paso adelante". De como evoluciona a historia de Nick e Charlie e de temas como o bullying e os trastornos da alimentación, por exemplo, que aparecen no libro e que tanto nos preocupan. Tamén como que os nosos actos teñen consecuencias e como poder do mundo un lugar mellor, empático e tolerante. A polo libro 4!
Onte fixemos o primeiro Club de lectura con algunhas nenas e nenos de 3º e foi todo un éxito! Falamos do libro "Juan sin móvil" de José Vicente Sarmiento e dalgúns temas relacionados, como o uso indebido das tecnoloxías e o seu abuso que nos pode chega a convertir en zombis! Gustoulles tanto a experiencia que xa están comezando a ler o seguinte libro: O corazón das casas de An Alfaya. Así dá gusto facer clubs para compartir lecturas!
Na tarde de onte tivemos o primeiro Club de lectura adulta, nada máis e nada menos que co último libro de Ledicia Costas: Pel de cordeiro. Dúas historias interconectadas de dúas épocas diferentes, que nos fixeron falar de bruxería, remedios herbais, rituais e mesmo contar moitas anécdotas arredor desa temática. Foi unha lectura que gustou moito ás persoas participantes e motivou á lectura de xente que aínda non a lera.
Na próxima cita de Club de lectura adulta, teremos o libro de Rosa Aneiros: A noite das cebolas. Agardando con ganas!
Aquí tedes algunhas recomendacións lectoras e de xogos para estas festas!
Descansade moito e felices lecturas!
https://view.genially.com/675dfa30372801ba82d96379/interactive-content-tarjeta-de-navidad-infantil
Hoxe tivemos un club de lectura moi especial. Algunhas nenas e nenos de 5º e 6º de primaria quixeron traballar coa saga Heartstopper de Alice Oseman, ca que inauguramos este club co primeiro libro. Tratamos temas que lles preocupan como a diversidade, o bulling, os prexuízos... E falamos da historia de amor do libro. Que pasará no segundo tomo? Quedamos coas ganas de continuar co noso club á volta das vacacións! Atentas á data!
