O día 7 de abril tivemos a sorte de visitar unha das bibliotecas públicas máis emblemática da cidade, a biblioteca Juan Compañel. Visitamos cada unha das estancias e explicáronnos moitas cousas sobre libros e empréstitos. Ademais fixemos un xogo de busca de pistas pola biblio, coñecendo os espazos e puidemos ir á sala dos libros onde lemos e vimos un montón de exemplares que nos deixaron. Había verdadeiras obras de arte que puidemos manipular!
Onte comezamos co club de lectura mixta do libro de Lightfall 1: La última llama. Neste primeiro club da saga, falamos das personaxes, escenarios e historias que seguirán no libro 2 e de como se transmiten as emocións e aventuras a través da banda deseñada e as ilustracións. Encántanos falar de libros fantásticos! Ademais, levaron uns carnés para ir marcando con pegatinas cada un dos clubs de lectura desta saga e ir tendo unha continuidade do mesmo. Participaron nenas e nenos de 4º, 5º e 6º de primaria, que pouco a pouco van creando os seus propios diarios de lectura, tendo como exemplo ás nenas e nenos de sexto que xa o fan como rutina lectora.
Para conmemorar o día da poesía (21 de marzo) preparamos un obradoiro de collage ca clase de 6º de primaria para desenvolver a súa creatividade e gusto pola poesía en lingua galega. Ademais de facer unha busca nos libros da biblioteca, escolleron as imaxes en revistas e catálogos retirados, para así fomentar tamén o uso de material de refugallo e concienciar na responsabilidade ecolóxica que levan traballando arredor dos ODS.
