Para rematar a saga de Lightfall neste curso, o mércores 10 de xuño fixemos o último club de lectura co libro 4: Un lugar entre dos mundos. Ademais de comentar os últimos acontecementos deste cómic tan chulo, fixemos un pequeno obradoiro de escritura creativa co alfabeto de Pellydir que aparece no libro e co que falan algúns personaxes. Tivemos que descifrar unha mensaxe secreta e escribir unha mensaxe para unha persoa do club. Foi un bonito recordo para levar deste club tan especial que nos deixou con ganas de saber o final da saga. Chegará o curso que vén? Estamos desexando saber o final!
No hay comentarios:
Publicar un comentario