Hoxe tivemos o segundo club de lectura adulta da man de Rosa Aneiros, co seu último libro "A noite das cebolas". Un libro cargado de beleza, fraxilidade, coidados, observación da natureza e memoria. Ao mesmo tempo que é unha novela onde hai unha alegría de sentirse viva no medio dunha noite negra e de ser quen de marcar un gol no tempo de desconto. Ademais, tamén falamos da importancia das cousas pequenas da vida e o difícil que é parar neste mundo tolo que vivimos.
Á espera do seguinte club de lectura compartida!
