RECOMENDACIÓNS LECTORAS DE VERÁN!

Coma todos os cursos, gústanos rematar cunhas breves recomendacións lectoras para que poidades seguir alimentando o voso espírito lector! Feliz verán e boas lecturas!

OBRA DE TEATRO SOBRE BEGOÑA CAAMAÑO

Coma peche de ouro da tempada de actividades da nosa biblioteca, fixemos unha obra de teatro da biografía de Begoña Caamaño, escrita por An Alfaya, membro da nosa comunidade educativa. Alumnado voluntario foi encargado de preparar e representar a obra, facer os escenarios e os materiais e ser axudantes de efectos de son e produción. Foi moi emocionante poder facer a representación na biblio para todas as clases en dous turnos e no segundo, tivemos a gran sorte de contar coa escritora da obra. Moitas grazas polo voso bo facer e entusiasmo!

CLUB DE LECTURA BEGOÑA CAAMAÑO

Durante o mes de abril tivemos un club de lectura moi especial arredor do libro Os fíos de Begoña de Eva Mejuto, que nos deu a oportunidade á clase de sexto de primaria de traballar a mitoloxía, o feminismo, a memoria histórica e o mundo do xornalismo a través dos ollos de Begoña. Para completar o club fixemos un obradoiro de bordado sobre as páxinas fotocopiadas do libro, que usamos posteriormente para expoñer na biblioteca durante a realización da obra de teatro sobre Begoña Caamaño.

RETOS LEGO

E este curso volvemos repetir os Retos LEGO! A verdade que a creatividade do noso alumnado non ten paraxe! Menudas obras de arte fixeron con cada reto, entre as que se atoparon robots, comida, cadros de arte, animais, flores, transportes, casas e os seus propios nomes. Temos artistas en potencia!