Rematado o trimestre, queremos desexarvos unhas boas festas e moi boas lecturas! Aquí deixamos unhas recomendacións de libros e xogos por se queredes algunha idea para estas vacacións! Vémonos á volta con moitas máis cousas na biblio! Ata pronto!
https://view.genially.com/693ef619ea11e26398cfa3a1
Hoxe tivemos unha sesión moi especial de contacontos de nadal! O alumnado de 6º de primaria, xunto ás clases de 4 e 5 anos, escoitamos o conto do apalpador e dos reis magos. Ademais fixemos uns apalpadores de cores e comemos roscón de Reis! Estaba boísimo!
Agardando que cheguen as vacacións con moitas ganas!
Hoxe temos a sorte de facer un club de lectura cun dos últimos libros da nosa Ledicia Costas: Feriópolis. Un libro cheo de fantasía e misterio, que nos transporta a outro universo, literalmente. Falamos sobre as feiras, as nosas atraccións favoritas e se cambiariamos a nosa vida por quedarnos noutro mundo aparentemente mellor. E sobre todo, a importancia dos prexuízos e as amizades. Que idea tedes vós do que é unha bruxa? Aquí temos as nosas dúbidas!
Para conmemorar este día tan importante, desde a biblioteca fixemos uns obradoiros baseados nuns contos. Contamos Rosa caramelo, Las muñecas son para las niñas e Voy conmigo. Ademais de reflexionar sobre a temática en si e sobre os libros, elaboramos unhas manualidades que nos quedaron chulísimas!
Todas e todos podemos aportar o noso gran de area contra a violencia e, máis aínda, sendo a través dunha arte tan importante coma a literatura.
Por fin comezamos cos clubs de lectura!
E estreamos cun libro de teatro de Paula Carballeira: Wombo Combo, nada máis e nada menos, para falar de algo que nos encanta, os videoxogos.
"Sara odia a súa vida, ou polo menos a súa vida real: non ten case amigas e moito menos amigos; búrlanse do seu aspecto; non é brillante nos estudos, nin sequera mediocre... Sara ten a sensación de que podería desaparecer e ninguén se decataría. Pero Sara ten outra vida, unha vida virtual onde xoga en liña con ducias de persoas e é imbatible nas loitas facendo «Wombo Combo». Sara pasa cada vez máis tempo diante da pantalla: deixa de falar, de comer, de durmir... Ata que entra nun videoxogo novo onde debe ir superando retos, se non quere sufrir as consecuencias."
Ademais reflexionamos sobre a vida virtual e a soidade na adolescencia.
Hoxe a clase de 6º de primaria preparou unha actividade para facer cas nenas e nenos de 5 anos na biblio: crear os duendes do outono! Unha manualidade feita con material recollido directamente das árbores do noso patio! Que bonito é o outono cheo de cores! E que maneira de ver arte nas pequenas cousas!
