Este día conmemoramos o día da muller e a nena na ciencia cunhas actividades na biblio. Fixemos un visionado para coñecer algunhas mulleres científicas e despois un experimento centrado na agrónoma e bioquímica xaponesa Michiyo Tsujimura, que fixo o seu traballo arredor das propiedades do té verde e os seus compoñentes. Convertemos á biblioteca nun laboratorio por un día!
.jpg)
Hoxe tivemos un club de lectura dun libro moi especial e necesario: O Principiño de Antoine de Saint-Exupéry. Grazas a este libro, puidemos falar de moitas emocións e entender o contexto histórico no que foi escrito. Tamén nos deu a oportunidade de valorar a amizade e as distintas perspectivas do mundo. "O esencial é invisible aos ollos"
Hoxe tivemos unha sesión de contacontos moi especial na Galiña azul de Valadares! Cas nenas e nenos da clase de 5º de primaria preparamos uns contos moi chulos para poder contar e cantar co alumnado da Galiña. Participaron moito e portáronse moi ben! Despois fixemos entre todas e todos un agasallos para poder levar ás súas casas. Foi unha experiencia moi bonito e enriquecedora.
Onte pola tarde tivemos o noso primeiro club de lectura adulta deste curso, co libro de Sonsoles Ónega: "As fillas da criada". Un libro cargado de emocións contraditorias e sentimentos atopados que nos fixeron reflexionar moito sobre emigración, feminismo, activismo, dereitos humanos e moitas outras cousas máis. Foi moi interesante escoitar os diferentes puntos de vista e as vivenzas persoais de cada unha de nós ás que nos levaban algúns capítulos do libro. E facermos recomendacións lectoras que sempre é moi gratificante. Ademais puidemos facer comparacións coa parte audiovisual, xa que se fixo unha serie televisiva que algunhas das presentes viron e comentaron.
No que si estamos dacordo, coma unha personaxe importante do libro, que amor e mar hai para todas.
Agardando polo seguinte club de lectura que será en maio co libro de Domingo Villar: "A praia dos afogados". Pronto máis novidades do club! Vémonos na seguinte lectura!
Hoxe tivemos a gran sorte de ter a Paco Nogueiras na nosa biblio! Contounos uns contos chulísimos e ademais cantamos algunhas cancións. Falaban sobre a natureza e algunhas artes como a arquitectura ou a pintura. Cando se xunta a literatura coa música é unha verdadeira obra de arte! Moitas grazas Paco! Ata a próxima!
Rematado o trimestre, queremos desexarvos unhas boas festas e moi boas lecturas! Aquí deixamos unhas recomendacións de libros e xogos por se queredes algunha idea para estas vacacións! Vémonos á volta con moitas máis cousas na biblio! Ata pronto!
https://view.genially.com/693ef619ea11e26398cfa3a1
