CLUB DE LECTURA 2º

Hoxe tivemos club de lectura dobre! Ás nenas e nenos de 2º de primaria gústalles moito ler e fixeron un club de lectura de dous libros:

"Bo camiño Valentiño!" de Gracia Iglesias e Sara Sánchez e "¡Nos ha tocado la lotería!" de Pere Comellas.

Dúas historias divertidas que lles encantaron! Falaron do camiño de Santiago,a catedral e anécdotas que contaron propias e dos libros. Tocoulles algo máis que a lotería! E iso que trouxeron moitos cartos ao club! Pero sabemos que hai que solucionar os problemas porque a amizade e a familia son máis importantes. Ademais da xenerosidade! Foi moi interesante saber que farían se lles tocase a lotería!

24 DE OUTUBRO: DÍA DAS BIBLIOTECAS. ABRIMOS!

O xoves día 24 abrimos a nosa biblioteca polo Día das Bibliotecas! Foi un día moi especial no que puidemos disfrutar dunha sesión de contacontos da man de Susa Herrera para as nenas e nenos de infantil, 1º, 2º e 3º de primaria e un xogos de escapismo para o alumnado de 4º, 5º e 6º de primaria, todo relacionado coa nosa PDI deste curso: "Trotamundos, viaxa desde Galicia".

CLUB DE LECTURA 6º

Hoxe demos comezo ao club de lectura! A clase de 6º escolleu o primeiro libro da Señorita Bubble da nosa querida Ledicia Costas. 

Falaron do especial que é esta inventora e que non se pode ter prexuízos da xente que viste e é diferente. 

Teñen moitas ganas de coñecer que pasará nas seguintes aventuras e sobre todo de coñecer á súa creadora!

FORMACIÓN AXUDANTES BIBLIO

Hoxe no recreo viñeron a facer a súa formación as persoas axudantes da biblio deste trimetre. Atenderon moi ben ás súas funcións e fixeron unha dinámica cos libros para aprender a manexar e ordenar os libros. Tamén asinaron o seu compromiso como axudantes.

Xa queda pouco para que abra a nosa biblio! Que ganas!

OBRADOIRO RECICLAXE

Ata o día 24 deste mes non abrimos a nosa biblio, pero hoxe aproveitamos o espazo para facer un obradoiro de reciclaxe coas aulas de 1º, 2º, 3º e 4º de primaria, aprendendo e recordando onde temos que botar e separar o noso lixo. Moi interesante!

RECOMENDACIÓNS LECTORAS VERÁN

Aquí deixamos algunhas recomendacións lectoras e de xogos para este verán!

Animádevos a crear o voso recuncho lector e a soñar coas lecturas!

Bo verán e boas lecturas! 

CLUB DE LECTURA 1º

Hoxe tivemos o derradeiro club de lectura do curso ca aula de 1º, co libro Feliz feroz, o lobo riquiño do Hematocrítico. A irmá de Lobo Feroz está moi preocupada porque o seu fillo non é feroz: é boísimo. Feroz dille que o mande uns días para a súa casa, que xa se encarga el de convertelo nun lobo de verdade. Lobiño visita o seu tío e tenta facer o que lle pide: cazar coellos, asustar a Carapuchiña, comer os tres porquiños... Pero nunca o fai ben: comparte unha ensalada cos coellos, faise amigo de Carapuchiña e ponse a xogar cos tres porquiños. Este lobiño é un desastre.

Porque temos que ser o que queiramos ser!

Ademais fixeron un lobiño de papiroflexia para rematar a experiencia!

 

CLUB DE LECTURA EN FAMILIA

O día 4 de xuño fixemos o club de lectura en familia ao que viñeron nenas e nenos de varios cursos acompañadas dalguén da súa familia. Foi unha bonita experiencia!

Ademais, a mesmísima Ledicia Costas enviounos un vídeo para agradecernos a lectura dun dos seus libros: Vampira de biblioteca, a historia dunha vampira que vivía nunha biblioteca e era vegana, non comía sangue, senón tinta!